Насос шинэчлэх эсвэл эвдэрсэн хуучин насос солих болоход яг ижил үзүүлэлттэй, эсвэл илүү сайн тохирох загварыг олох нь нэн чухал. Харин Grundfos Product Center систем нь хуучин насос тань ямар ч брэнд болон үйлдвэрийнх байсан хамаагүй оронд нь яг таарах шинэ насосыг олоход тусална. 

1-р алхам: Системд хуучин насосны мэдээллээ оруулах 

Grundfos Product Center сайтад нэвтэрч, "Products & Services" цэснээс "Product Replacement" (Бүтээгдэхүүн орлуулах) хэсгийг сонгоно. 

• Системийн хайлтын хэсэгт хуучин насосныхоо загвар (model), үйлдвэрлэгч брэнд (manufacturer) болон цахилгааны давтамж (frequency) зэрэг мэдээллийг сонгож оруулна. 

• Энэхүү ухаалаг систем нь өөр брэндийн насосны мэдээллийг ч таньж, орлуулах боломжтой загваруудыг дор нь санал болгодог. 

2-р алхам: Санал болгож буй насосуудыг хооронд нь харьцуулах 

Систем дээр гарч ирсэн насосуудыг хуучин насостойгоо харьцуулж үзнэ. 

• Ажлын муруй (Pump curves): Хуучин болон шинэ насосны ажлын муруй график, чадал болон зарцуулалтыг зэрэгцүүлэн харна. 

• Шаардлагаа тохируулах: Системийн даралт, зарцуулалт (duty point) зэрэг өгөгдлийг өөрчилж, шинэ насос таны системд хэр үр ашигтай ажиллахыг шалгах боломжтой. 

3-р алхам: Шаардлагад нийцсэн шинэ насосоо сонгох 

Үзүүлэлтээрээ хамгийн сайн тохирч байгаа насосоо сонгоод дэлгэрэнгүй мэдээлэлтэй нь танилцах. 

• Тэндээс насосны ажиллах чадлын муруй, овор хэмжээ болон бусад техник үзүүлэлтүүдийг харах боломжтой. 

• Мэдээллийг PDF файл болгон татаж авах, хэвлэх, эсвэл системдээ нэвтэрч "Projects" хэсэгтээ хадгалан дараа ашиглаж болно. 

Давуу тал: Орлуулах насос сонгосноор зөвхөн хуучин насосны хүчин чадлыг гаргаад зогсохгүй, цахилгаан зарцуулалт багатай, 

системийн үр ашгийг дээшлүүлэх сүүлийн үеийн ухаалаг насосоор тоног төхөөрөмжөө шинэчлэх боломжтой юм.